بنات الشك - ناصر الهاشمي

ما همني العذال مهما يقولون
صدق الاخوة ثابت في فوادي

ياللي تجهلون الشرف لو تعذلون
قلبي بوادي وحقد الاوغاد وادي

لا عيب في ربعه على العفه تكون
العيب لن ضاع الشرف والسنادي

يا من عيونه شك ولسانه اطعون
وسواد قلبه فاق وجهه سوادي

مضيع حياته بين طالب ومديون
ومراقب للناس رايح وغادي

كلما دخل في دار يتلون بلون
يزحف وعيشه عالردى والفسادي

يا عل ليله دايم هم وشجون
ومنغصات احلام ليل السهادي

ويا الله بنات الشك يمسله سنون
ونجوم حظه ما تسمعه المنادي

يا اقرب عقرب على غصن زيتون
ياللي حياته والنقائض مبادي

كيف تجي مصلح على نهج شارون
يا جامع عذروب كل العباد

يا باني بيته من زجاج مغبون
متخاف من مردود حذف الايادي

لا قام حظه راعي الظن مجنون
ودار تظمه جعلها للنفادي

المرجله عن سيرة الناس ينهون
ولا الردي بعين طبعه ينادي

يا نازف دمع التماسيح لا عون
لا عانك الله باتهام العبادي

ما هو بنا من قال يا ناس تكفون
ولا هو بنا من شارك العوس زادي

خلي العدى من حر كيدهم يموتون
ما يضر جرو الليل نومي ورقادي

والله لو يرضون ولا ما يرضون
انا على راس المشاريف شادي