سابق الوقت - ناصر الهاشمي
هاجت على قلبي هموم طرتله
كلما تعدى هم جابتله هموم
سلمى الدنا اللي سعتله بقتله
مالك امان يقولها قلب مشؤوم
اول حياته انورتله وبهتله
وتاليه اسقته علاجيم وسموم
تمشي به دروب مهاليك عتله
ويلن عثر اتسوم به مالعلى سوم
هذه الدنا شروى شرابيك فتله
ايلن انعجد مالك عن البتر ملزوم
لن عكرت عندك لغيرك صفتله
ولا شك بعد الصفو ترميه بعتوم
البارحه اشتات فكري طوتله
وقدرت اميز سابق الوقت ماليوم
محلى سكون البيد واللي اشتقتله
صفو الخواطر بين حاشم ومحشوم
عيشة بدو لاكن من الجود غتله
ما كدروا وارد ولا رحلوا خصوم
لن دق نجم السعد بيت فرحتله
كل البيوت وفرحها صار مقسوم
والحزن ان حل بطرف بيت جتله
كل العشيرة وامسى الهم معدوم
الله من دهر صروفه اشفقتله
به عيشة ضنكى وعاليه مرجوم
هذا زمان اليوم سلمى اتركتله
كل ما بها من شبة العيب وهروم
الله يجير اللآدمي لو وقفتله
ما ردها وراد او نازح دوم
والخاتمة على النبي الف رتله
وسلام مني برسله لكل محروم