القطيعة - ناصر الهاشمي
في عرفنا عادات نكرم بها الضيف
يا بنت عمي ليش هذه القطيعه
الضيف نرجى به بروس المناييف
وله بالخواطر منزلات رفيعه
والضيف له عز وقدر وتشريف
ندراه مدرات الثريا الرفيعه
ما قد تشكى ضيفنا يوم ممضيف
ونجود لو جارت علينا الطبيعه
بدو وما ضنيت نحتاج تعريف
والبدو ووصاف الكرامة رضيعه
لي ما فهم مغزاي بقول يا حيف
مغزى فعالي غير معنى تشيعه
لا تسمعين لقول هرج وتسفيف
ترى شرارة نار تصبح وليعة
ان كنت غلطان على رقبتي السيف
وحكم العدالة ارتضيته واطيعه
وان كان تنوين العتب لك مراضييف
والمعاتبة بين المودين بيعه
لي بيننا مكنون ما يعرف الزيف
متعرج في وسط جسمي دفيعه
تشهد علي شما وحسنا المواليف
ويشهد علي حماد صافي الصنيعه
ما قد قصدت اللي فعلته تواسيف
ومشورة من ضيف ما هي بديعه
يا ام ناصر لا تقولين يا حيف
حافظ رباك وما تضيع الوديعه
صلوا على من كملته التواصيف
صادق امين مسيس للشريعه
والآل والصحب الكرام الخواليف
واللي تبعوا سنة نبينا جميعه