ظروف الوصل - ناصر الهاشمي
حالت ظروفي دون وصلك يا محبوب
والعذر منك كان للحق ما وفيت
يا طير بلغلي سلامي ومكتوب
اوصل الى دارٍ بها الخل له بيت
خذ لي السماحة وكله فلان مصيوب
من بو خدود كنها ضحت الليت
عهدٍ عليه عن هوى البيض ما اتوب
واني ابد غيرك من الناس حبيت
بالله لي منشي مزنها من سحوب
اني على ودي محافظ وحنيت
يا اريش العينين بو خصر مسلوب
ذكرك بقلبي كل ما أصبحت وامسيت
في ضحكتي في دمعتي صرت مصحوب
في لوعتي في ونتي يوم جفيت
يا طول ليل اللي تولع برعبوب
متعذبٍ لا هو بحي ولا ميت
سالب فوادي يالغضي ترف الينوب
وفي هجعت النيام طيفك تهاييت
في بحر شوقك تايه وذايب ذوب
عفت الاهل والدار واسمي تناسيت
يا رب تجمعنا على خير لدروب
وتنور حياتي يوم باسمه تناديت