قطع الوصل - ناصر الهاشمي
انا وحزني ومعاناتي ونبرت صوتك الدافي
تعبت من الصبر عنك ولو الصبر ما مله
وعنوان الجفا في نظرتك ما عاد لي خافي
ترى قطع الوصل يبري فؤاد الصب ويعله
الا يا صاحبي حبك ملكني راس واطرافي
وخالط دمعتي دمي وكيف الدمع ما اهله
دخيلك والصبر مجوى الصبر والحال يستافي
وانا لا جيت ابنسى ذكرتني بسهم اتسله
دخيلك لا تزود غربتي والصد مجدافي
تسطر دفتر ايامي صنوف للعنا كله
عذر يا كيف اعذرك والهوى متملك الخافي
وانا شايف عيونك للوصل اتصد وتذله
عذر لا كيف اعذرك والمحبة بيننا كافي
وبالخاطر معاناة تحز القلب وتله
تعبت اوصف معاناتي تعبت اشرحلك الخافي
شكيت وشكوتي منك ولا شكوى لغير الله
حبيبي مدلي حبل الوصل لا اتصد واتجافي
وشاركني ولو يا ريت سوالف خل وخله