كسوف - موسى الخليفي
يرتجف إحساس قلبي يوم أشوفك
وأنتظر لحظه وأستسلم وأروح
وأتخيّل نظرتك وإحساس خوفك
نظره الولهان والنظره جروح
تعال خذني خبني بطيه كفوفك
تستريح العين وهمومي تروح
في حنايا الجوف منقوشه وصوفك
وفي حنايا القلب رسمك لي يلوح
خلني أعيش لحظه في حروفك
بين كلماتك وهمسك يا مزوح
بين كتبك أتجول في رفوفك
وأتحول من هضابك للسفوح
قلت لك كلمه إذا تسمح ظروفك
قلت لي أسف وبالكلمه شحوح
هذا ردك قلته من شده كسوفك
لا تخاف اليوم لك قلبي سموح