غزة بدت عزة - محمد عبداللطيف العطشان
غزّة بدت عزّة عظيم سماها
احفاد الاحفاد يشيدوا ذكراها
غزة لها العلامة
رغم الجراح وغدرها وسقاما
عليها تآمر زمرة الظلاما
واضحين منضمّين ضمن عداها
لنا يقولو مبادرة سلاما
وهى للتحكم جارّة مسداها
كم مين هليبن بعد جراما
استسلام ماغيره هناك وجاها
مغير الحصار وعدته وآلامه
وذبحت اللى بعده كثر فرقاها
(يس) فى غدره لفت دوامه
وصار فى حماس مراجعة مبداها
ومعاها فصايل طالبة الكرامة
لا تهدئة لايقبلوا مدعاها
لإسرائيل من غزة لفت جثامه
وانجنت وجن اميركا قوّاها
اوجت زاحفة بجيوشها هدامة
بقتل العوايل والاطفال بلاها
المولى جعل فى حكمته واحكامه
صخّر جيوش الارض كلا معاها
والّي قبل جافي مشتهر بخصامه
تعاون او ولّى فى المصير معاها
وخوي الايرانى بيسباب كلامه
الملك السعودى لومته لبّاها
اليوم ريت حكام العرب مقدامه
مغاوير غزة عزّ من يقراها
خلوا اليهودى منكسر بجرامه
خلاف مالمبادى ربنا سواها