الابل - محمد عبداللطيف العطشان
امرار كسبها او اكثرمرار شقاها
او غوالى ولانا قادرين بلاها
ما تنتسى من بالى
السى العبدلى جايب قصيد حلالى
يذكر ابعشرتها او جاب امثال
او على كيف ضلت ناقته ولقاها
معاه شاركوا شعّار فى ام بهالى
او عاد كل واحد قصته او رواها
شوش امعاهم فى الحديث ارسالى
او عادله شريط قديم فى مدعاها
على كيف هلنا ماشيين جوالى
شالوا عليها والكريم رعاها
وعلى كيف قاموا ما منعهم والى
وهى عزهم ماينكروش ثناها
متفاهمين جملتهم على هالحالى
ناس عافيه مايعرفوش سفاها
ينشى الطفل فيهم علهدى طوالى
نفسه عزيزة عالعصر رباها
متمثلات فى فهمه اتقول اهلالى
مناهج شريعة والعلوم قراها
كيفه اصحابه ناس عال العالى
لهم فى النوايب قايمين عناها
ان جاهم الضايف يوقفوا فى الحالى
عوايد قديمة ماشيين امعاها
وان جاهم القاصد صاحبين افضالى
ايروح سعيد او حاجته قضاها
منسجمين جملتهم نباهم عالى
هم او هى والسما او وطاها
عمار كون خالقها الرب العالى
سبحانه الجليل ابقدرته سواها
ينزل سماها امطارها جلولى
واتجود الارض بخيرها اوعطاها
او يبدى الانسان الكل فارغ مالى
وطوش الذرى ماينحصر مسعاها
امرار كسبها او اكثرمرار شقاها
او غوالى ولانا قادرين بلاها
غوالى ديم
دوم واخذا فكرى اسماح السيما
ايام الدنيا زاهى او سقيم
فى وطنها لجواد ذللناها
امنين نجع هلنا يعجبك تنظيم
ضفايف على للباط فى رداها
وامنين قبل كانوا صاحبين عزيم
يزابوا على خش الاخطار وراها
اصحاب مشورى ماهم افكار عديم
غالى عليهم برها وزهاها
او وين مابروقها يقشعن فى غيم
ويفيضن اقرعها من امطار سماها
على اثر صيفها جاد وطنها ابنعيم
فى اول اكتوبر خيرها واتاها
اتجول فى بداريه الها تسقيم
طارب اجدى الريم هو وياها
هش المواخر ضرو كل يتيم
تزاين متاليها بطول اذراها
على اوكارها ديم الها تبريم
جاشلم و لبطخ وين خلط ماها
تزهى بزمهرير ساعة التظليم
ودور وسطها مشهور هو وباها
منابت البارى قدرته العظيم
على كل لون مخضبة تلقاها
يفوحن اعطار مع مرور نسيم
يهون على النفس العليله داها
اهمل فى اوهامى حلوة التنغيم
شون ياسر كادت اللى يرعاها
اعشار اولقيح او شول فى تنظيم
الياما فحلها بهدرت ناباها
لو زرق انياب او زاد فى تزويم
عليه حرجفت مجدوب هام امعاها
مجاسيرها والفرق فى التجهيم
كردوس عسكرى لامر طلب لباها
حمر لون بزروقه مع تدويم
هدل الطروم صورت مبهاها
اوسيد ابدلال لين فات القيم
وجبت حليب اسخون له دناها
مايحمل لومتها ولا تلويم
ولا يوم باتت جافيا مفلاها
هكى مواقفهم الهم تلزيم
وان العفى فى سوحة تلقاها
ديم ابرفقها يطربوا الكريم
وياما فنوا او راحوا على سباها
وياما ابعربنا وقت جاير ضيم
شالت او حطت ذرهم ونساها
سرير ادجلى جادت على تحطيم
مشيت اطناشر يوم ما خاطاها
من الويغ لرض ازوارا وامواهيم
لا شراب لا مسند القوت ذراها
خلا كيف قورير اصحاب عزيم
لا شوبت منه ولا حافاها
خلت اطرق واضحة او عليم
جواب على فج الخلا تلقاها
نلقاها انها منيت الخاطر ديم
مراكب صحارى عاش من سماها