رثاء والد في ابنه - محمد عبداللطيف العطشان
سبحانه الباري كيف حدد يومه
يوم غيبته غابن معاه انجومه
انجومه غابن
ومعاهن افكاري شوشن واصابن
16/9/ ويش ليا جابن
اقدار منو قادر صادره مرسومه
لا صاوبن لا هادنن لا نابن
بدن فوق جوي ناشرات غيومه
بانن بوادرهن ولي اقرابن
وغارن علي المغوار في المنظومه
احكام انقضن والغالبات اغلابن
وداسن اللي دواس وقت اللومه
مكتوب بالتقرير كان احسابن
اللي بان واللي مختفي في علومه
اللي بان بيه حكينا
اثبات المواقف هي اللي تطرينا
ابعاد بعدها وحاضر وما اتخاطينا
وتبقي لجيل اجيالنا مرشومه
مبادي ان كان امرارها قاسينا
علينا فعايل فعلها مكرومه
وان البعض منا التان ومخاطينا
ما يوم قالوا نذل ناصر قومه
ساقني القدر امعاه ما وارينا
توضيح المعالم خير من مكتومه
اونرجع لحاكم حكمته تهدينا
يعطي وياخذ قدرته محسومه
القاهر القاضي بقضاه ارضينا
ايريد ما ايريد وما معاه اخصه
الباري اللي بيه الحديث بدينا
يرحم الناجي والبرار اعمومه