حاجة - وليد رأفت محمد
( 1)
أوقات بتحس ف قلبك حاجه
تعمل حاجه
تطلع حاجه .. تنزل حاجه
تدخل حاجه .. تخرج حاجه
عوضين وإزدحمد
و ياقوت والسيد فتحى وليلى ويسرى • قالوم حاجه
المصرى الأصلى بره بلاده .. بيفضل مصرى
وإن غَيَّر تُوبه
لِبس برنيطه وبدله وجينز إيطالى يا خالى
تلاقى سديرى تحت الجلد واقف بيلالى
ما اهو أصل المصرى إن غَيَّر فِكْره وطبعه وشاله
راح غصبن عنه بتغلبه روحه تنط قباله
وتقولَّه المصرى بأمره لا عمره يغيَّر حاله
ولا عمره إبن بلدنا ف إيدنا يا خلق ما يبقى خواجه
( 2 )
أوقات بتحس ف قلبك حاجه
تعمل حاجه
تطلع حاجه .. تنزل حاجه
تدخل حاجه .. تخرج حاجه
وف عز الحاجه .. متلقاش حاجه
وتلقاك حاجه
تشبك حاجه أيُّها حاجه
تقع وتطب وتصبح حاجه
أنا وأنت ف حاجه .. نلف الحاجه
وبعد مرور يجى خمسين حاجه
نشوف الحاجه .. مفيش ولا حاجه
أتارى الحاجه بعد ده كله.. مهيَّاش حاجه .