تحملتك - فهد فالح العصيمي
صدور تعلم صدورٍ وش اللي يجتمع فصدور
صحيبي يعلم الخـافي قبل تنطق معانيها
اجيله مندفع حدي على جمرٍ بدون شعور
واثاري رجلي بالجمره صحيبي هو يحيها
يمر بقلبي المكسور وانت بعيني المكسور
يطيح الدمع من عيني على خدي يداريها
تقول انك بشاعر والشعر لا ماجيب شعور
ترا اجمل شعورٍ / في حنايا قلوب الاقيها
اقدر قلبي المرهف عليك ولا عليّ قصور
تعبت اجامل الكذبه على قلبي اخليها
تحملتك بما يكفي وانا صابر عليك دهور
اغطي كذبت الكاذب واغطي بلوةٍ فيها
بذور اطلع جذورٍ نحلف ان ماعليها قصور
وجذور اطلع بذورٍ حسافه باللي يسقيها
على صغر الزهور اللي نشوفه بالورود زهور
على صغر الكبير اللي نشوفه في اراضيها
اجيله مندفع حدي على جمرٍ بدون شعور
اغطي كذبت الكاذب واغطي بلوةٍ فيها