من الصغر احبه - عابرة سبيل
غرامه ربى بداخلي وانتشر بالحيل
من الصغر حبه في حشى النفس منغرسي
انا في نظر عيني حشى ماسمعت القيل
اهو حاضري ومستقبلي وباكري وامسي
جحدني مثل مايجحد الكافر التنزيل
فجعني مثل فجع الهواجيس للمسي
جرحني مثل جرح الثرى من غزير السيل
رماني مثل مايرمى بالي اللبسي
محبة ثمان سنين ضاعت بلا تحصيل
تصدق ختمها صاحبي يوم قال : انسي ؟
ختمها بصمت لاوداع ولا تعليل
ولازال جرحه داخل الروح مايبسي
تسرب طواري صاحبي مع ظلام الليل
تحرم عليه لامست الخلق ما أمسي
آويلاه عقب الحب والخير والتدليل
اهل الدموع وخاطري ضايق عمسي
على ادناة شي ازعل وعلى ادناة شي اعيل
اويلاه عقب اليوم ياخفها نفسي
ياويلي عليه اليوم ويلٍ يجر الويل
عقب صاحبي كن القدر معلن حبسي
فلا عدت اميز ياعرب بالعدل والميل
خياله يتابعني من الصبح لين امسي