أنا كويتي - عبدالعزيز السبيّل
البارحه مالت غصون الشعر واربكت الحروف
البارحه هبت نسايمها على القلب وسريت
ياجعل يفداها فهد , واحمد , وسلطانه , ونوف
ويجعل تفداها القصايد كلبوها / بيت , بيت
وياجعلني فدوى لها قولو .. وب.. اقول الهنوف
وإذا سألتو من هنوفي ؟ قلت :- من غير ( الكويت )
ضويت شعري من ثرى داري وحيّرت الوصوف
ولا إقتنع غَرور شعري ب.. البيوت ولارضيت !
وشهو أقول بدار يحمينا عن اقدار الصدوف
وشهو اقول بدار ب.. أحضانه ترعرعت وربيت
والله لو لفيت في كل الدول ( لا ) ما أشوف
مثل / الكويت , وشعبها .. من ( طيب , وافعالٍ , وصيت )
وآل الصباح ل.. شعبها عن نفحتك يابرد صوف
إليا اشتكى الشعب الكويتي ماتهنى ب.. المبيت
حنا .. لهم ( قدر , ودروع , وعزم , ووشاح , وسيوف)
وحنا تحت راياتهم وقت المعارك نستميت
وانا كويتي .. ماحنى راسه تحت , حكم الظروف
ابقى سما لو مالت الدنيا عليّه ما إنحنيت
وانا كويتي .. لو تطوف اقول :- لايمكن تطوف
لأني كويتي لابغيت أخذ ليامني بغيت !!
وانا كويتي .. ماورثت المال من دق الدفوف
الله رزقني من وفاي ( وقمت , وأكرمت , وعطيت )
وانا كويتي .. لاحكيت الخوف منّي جاه خوف
محد يقاطعني ليامني تفوّهت وحكيت
لذا تقدّم ياوزير إعلامنا واسمع وشوف
وإكتب على صدر السما ب.. الخط الأحمر مانشيت :-
( انا كويتي ) جعلني فدوى تحت رجل الهنوف
وإذا سألو منهي هنوفي قول :- ( من غير الكويت ) ؟