انا مجروح .. عطني جرح - فائق عبدالجليل

انا مجروح .. عطني جرح
يجوز الجرح اذا داهم احد يشفي
اجمع لي العطش صخره على لساني
اجمع صمت كل حاجه
وانثر صمت كل حاجه
انا لجمت صوتي اللي سكن حرفي
يعيش الصمت
وانا الصامت الاول
وانا الصامت الثاني .. وانا صامت ويكفي
اشيل البحر في صدري
واشيل الارض في كفي
تعال ياصمت ابي كتفك على كتفي
تمر الكلمة من صوبي
اغض طرفي
واشوف الصمت .. بس الصمت في صفي
قتلتني حالة اللاحال
انا موجود او منفي ..