درب الخيانه - فيصل الجريس

درب الخيانه والأسى وظلمت الليل
أحلام عاشق إنتهت بالخيانه

تجمعن مابين حزن وغرابيل
وعزتي لقلبن تغير مكانه

شفني حفظتك من كثير البهاذيل
لاجيتك بنيات خبث ولعانه

جيتك ورق مكشوف مافيه تمثيل
حفظت حبك مثل حفظ الامانه

مارحت أسولف فيك للقال والقيل
حتى ولو بيني وبينه ميانه

هذي جزاتي بين همن وتعليل؟
طعنت ظهر حسيت فيها مهانه

مشكور يالطيب وأبشكرك بالحيل
عطيتك اللي ماتقدر حنانه

تبي الصراحه أخدعتني المضاليل
وخدعني قلبي وإنتهت بالخيانه