مسرحيّة .. - فيصل العدواني
مسرحيه صارت الدنيا بعيوني
وانتي اجدر من لعب دور البطوله
ياملاك الحب عفوا... ياجنوني
لوسمحتي بخاطري شيٍ بقوله
بسألك وشلون خابت بك ظنوني
وكيف هانت عشرتي معك بسهوله
وليه كنتي توصفي حالك بدوني
مثل وادي ينتظر تجري سيوله
هو غبا مني تسيرني شجوني
او غبا اتبع خفوقي في ميوله
اوغبا صديت عن ناسٍ نهوني
ثم ضربت الكون في عرضه وطوله
وانصحوني ..وانصحوني.. وانصحوني
لا تجي خطوات رجلينك عجوله
وكنت اكابر واحلف انك ماتخوني
لين جتني طعنتك في صدر يوله
فعلتك تمحا ويبقى يافتوني
شي واحد وان سمحتيلي بقوله
انتي اعلم من اكون ومن تكوني
والجبل ما هزته ريحٍ خجوله