خاطر الليل - محمد البطحي
الصبح يكسر خاطر الليل
مثل الفرح في ذكرياتي
كم خفت من شرح التفاصيل
لين اعترف جرحي لذاتي
حتى المشاعر والمراسيل
تثاقلت فيني صفاتي
مل الشعر من سبّق الخيل
وملت دموعي تضحياتي
كلمه لها مليون تحليل
وآخر موانيها شتاتي
الخوف من جور المقابيل
ماترسم البسمه شفاتي
وانا متاهات وغرابيل
مغير متضايق واحاتي
للشوق في قلبي مداهيل
والوصل مضمون أمنياتي
ياللي لك ( رموش ٍ مظاليل )
وشكثر ( غيرتي حياتي )