الذنب الوحيد ! - محمد البطحي
خطا ماهو جفا ياالمخطي المعذور
انا اسرفت بغلاك وصار عذروبي
على كثر الجروح الداميه مشكور
تكاثرت الجروح وهبت هبوبي
هو الذنب الوحيد اني بدون شعور
عشقتك يالله انك تغفر ذنوبي
طفى نور الغرام ومابقالي نور
ولمحتك في زوايا الحزن ودروبي
لك الله من عرفتك من ثمان ( شهور )
احس انك ثمان ( سنين ) محبوبي
قتلت احلامنا واحساسي المنثور
يموت اليا لمست الصدق بعيوبي
رحلت وكل شي ما بقى له دور
قصيدي واجمل الكلمات واسلوبي
نسيت أو ما نسيت الخاطر المكسور
عذرتك واقبل الاعذار من صوبي