ربعي مطير - مفرح الظمني
ربعي مطير مدللت حم الاشعاف
ترعى الخطر وسيوفهم حاميتها
هادي صلفين سلاطين واشراف
وفعولهم كل القبايل حكتها
كم فارس من ظربهم شاف ماعاف
اقفا ذليل واسبقته ماعفتها
وقت مضى تشهد لهم عوج الاسلاف
وبيارق ترفع على ناصيتها
وان اجنوب يذكر لهم عشب وارياف
داسو ربيعه ماخشو عاقبتها
ولهم على شقراء ربيع ومصياف
ذيدانهم عشبت بصيه رعتها
وان جا على الصمان نوا له ارداف
دهايم كل الملازم ملتها
نوا بروقه وسط المزن كشاف
عين الشقاوي للحيا خايلتها
ساقوا مظاهير ومال له اطراف
ترعى وحمران النواظر حمتها
الارض تحت اقدامهم ترجف ارجاف
زلزال روس الجبال انسفتها
صوت الحوافر بين غاره ومحراف
خيل يشيب الراس من عاصفتها
سجل لنا في قمة المجد ميقاف
شهاده كل الرجال شهدتها
جهالنا في مركز الطيب عراف
وشيابنا روس المعالي رقتها
والطيب مايشراء بدينار وانصاف
الا بساعات تثور إغبرتها
ولاني على سب الاجاويد مزهاف
والنفس كلمات الغلط حرمتها
واهل الثناء والمجد بالفعل تنشاف
قبايل ماضيعت لازمتها
ومدحي لربعي حق مايحسب إجحاف
صحايف بيض اليدين اكتبتها
ماقل دل وزايد الهجر ينعاف
وصلوا على المبعوث في خاتمتها