روحي رياضيه - نواف الدبل
ياللي تراقب ردة أفعال القهر في مدمعي
يمكن تموت من القهر من قبل ما عيني تهل
مدام بالدنيا رقم (1) ابسعى له سعي
لياقتي عند النهايه مثلها يوم استهل
يومك تظن ان التواضع داخل الملعب وعي
انته تشوف انه وعي , و انا اشوف انه جهل
من قال لك روحي ريا ضيه , تجي تلعب معي
لاا و الله الا عند رغباتي, تشوف و تنذهل
ما جيت اسوي لي دعايه, و اتداعى و ادعي
قلت اتكلم لين يسمعني العجل, على مهل
قلت اتحلى بالمراجل, و المراجل,, منبعي
وما فيه شي اكبر من انك تكبر بعين الكهل
يا ما كثير اشيا تزودني طمع في مطمعي
وانا و عثرات الليالي نعتبر حسبة أهل
زاد الخطا منك و لا عاده يسمى مطبعي
وان كانت الدنيا كذا ما هي على كيفي , فهل؟
تتوقع اني منك و اشكالك بلاقي مصرعي؟
لا لا يا روح امك,,, ترا لا قفّلت , ماني سهل