رسالة خاصة - يوسف الشاطري
يقولون أبدع المعنى يبون الناس قيفانك
يبون القوم لذ النوم من شعرك وقيفانه
وقلنا للقصيد أبشر رفعنا قدرك وشانك
رفعنا قدرك اللي راح منه قدره وشانه
سواليف الشعر فكري ينظمها على شانك
طوال بس قصرها على ماقال من شانه
فهذى مطلبوا مني اله الكون سبحانك
أبيها مذهله مره عن النقصان سبحانه
روت بقعه من دلال النشاما وإقضب لسانك
شرار في عيون القوم لا جودة أنا لسانه
ألا ياهيلتي ياللي تنظم الشعرمازانك
لونك تكتبه لولو أبد لله ولازانه
شديد شد من بطحا وسير يم عمانك
أنا قد قلتها قطعه لعمانك وعمانه
دعاني شعري العذري غزل خل الذي خانك
نهيته منتهى شديد على يوم الشعر خانه
رويتي بابعد عمري وزدتي كره عدوانك
أندري بالسبايب كلها من شن عدوانه
شعر وقت مضى روح بجداني وجدانك
دفن في قبره المعنى شعر جدي وجدانه
دموع العين سالت ياحبيب الروح لحزانك
شوت خدي دموع العين لبكاها على أحزانه
أنا قلبي تولع في هواك بنغمةالحانك
رقص قلبي على لحنك بدالك يعزف الحانه
نويتي حرب ذريه على اللي باعك وهانك
دعيه بشانه وبكره يجيك العلم من هانه
أنا بصيح للقاضي تحل المشكله وانك
شمر كفه وقال العلم هالمبدول هو وانه
ليا مني تركته قال أنا شفتك وخلانك
أنا شفتك وأنا شفته خبيل وبين خلانه
شموع الشعر كذابه بضحكت كل من عانك
رمى بقعه على دربك ولا ضني لها عانه
أنا قول الشعر ماهو سوالف قالهاإخوانك
فهمت القصد ولا كلها ياسبت أخوانه
طلب مرفوض من لجنه ولاضني بإمكانك
سلامي للرجال اللي ولاضني بإمكانه
رساله وإجمع حروف الشطور الاوله كانك
وبعده إعكس الثاني وشوفه وش حصل كانه
يلايمني على شعري عليك الله وأمانك
يوخر عنك مضرابي عليك الله وأمانه