هجوسي - يوسف الشاطري
هجوسي حضرت صاروخ مي دي إن صنع الروس
ليامنه وصل عند الهدف طبعه يفج الراس
معبا من عناقيد الغضب والقفل به مكبوس
ومن ناشه من العربان يأهل العرف راح أمراس
قديم العرف ومحصن جديد ولا وصل بدروس
نفكه قطعه بقطعه ونرجع نحكمه بلباس
عليه من التشافير العظام ميتمات نفوس
طلاسم والطلاسم مالها ياكود شرب الكاس
بعد دسنا على زر البدايه مبتداه يحوسينظم سيره المعتاد ويحدد ضروب الفاس
عليكم ساب سفن إصدار بالعلات لي متروس
ولا والله يخيب اللي بدعته ياعرب هوجاس
على الاي إكس إيه مشفرينه ياعرب بالدوس
ليا شافه قصير العمر ماينفعه درع وطاس
حشا ما ينفعه كثر البرامج صيدة الفيروس
ليا منه ركب بالهادرسك إنجهز الكراس
على وقت الظهر جينا وذيب الغاب له محبوس
وجرجور البحر ضايق كذيه من طبوع الناس
سمي يدوخ عود المسك سالم والقروم جلوس
وينساق اللبن بين النشاما ياعريب الساس
سميه خو عليها حد راسه مثل راس الموس
أهل عزن وأهل شيمه ثياب العز دوم لباس
بعد جينا صلاة العصر شفته ماسكن فانوس
عسى ماشر يالغالي واشوفه يكتم الانفاس
أنا بنصحك ياشاعر تخلي شعرنا ملحوس
طلاسم كلها مره وحلوه إيه أنا لاباس
وخلك من شعر حب وغرام بشي لك ملموس
أحبج إيه ياعمري حياتي ماملكة ألماس
تحل أو ماتحل قلي علامك صايرن معبوس
أنا خابرك ذيب القوم ماتعرف دروب الياس
وأنا طرقن تعرضلي أحشمه لو تضيق نفوس
وكلن يدلي بدلوه على الطالات والنوماس
وانا عارف كثير الناس تعرف حلها من روس
ولكن هاتلي طرقك نظيف ولا يجي منحاس
سلامي والسلام اللي لفا بالدرسعي مدسوس
على الريحان تسليمه على الكتفين ثم الراس