الهنوف - يوسف الشاطري
فكرت أنا كتب صدر بيتي على أيّ
وخط عجزه وأختم بقاف أوّا
يهل القوافي جيت أنا طالب الميّ
يومن بعض الخلق صدر وروّا
عشقي هنوفن تطوي الارض لك طيّ
من مشيها تسمع على الارض دوّا
هي الحلا كله على الارض من فيّ
لاغربلتك سنينك اللي تلوّا
من همسها بالصوت ماظن له زيّ
سبحان من ميزه عن جنس حوّا
اليا نظرت بعينها شي ثم شيّ
سبحان ربن لدعج العين سوّا
شوف الهنوف مخسر الطب والكيّ
ومخسر الاعشاب خوا وجوّا
دام قربت مني أنا بقرب شويّ
وأثره قرب كله بقلبي وهوّا
لاتحسبني كاره الزين ياخيّ
ملكي حلالي وسط قلبي وضوّا
يامن تدوس الشوك لابد به أيّ
ويامن تخط القاف لازم تروّا