عندي شجاعة - أسعد الروابة
عندي شجاعة واقدر اقول مابيك
لكن احاول معك عل وعسنّك
تصحي بعد ما شوّه الوقت ماضيك
وتشوف وين افكار عقلك خذنّك
ابصر طريقك زين تاهت خطاويك
حاسب تراهن ابعدن وابعدنك
كل شي تغيّر فيك حتى مباديك
وحذرى المبادي في الظهر يطعننك
مره تقول الحظ دايم معاديك
مره تقول ان الظروف يحدنك
حتى كلامك نبرته غيّرت فيك
قبل العباير لا حكيت امنعنك
تدري شصار البارحة يوم احاكيك
يومٍ شردت وخاطري غاب عنّك
بغيت تسقط مع دموعي واخليك
لكن رموشي مارضن وارفعنك
وش فايدة لا صار عيني تعاديك
دام الجوارح (كل ابوهن) يبّنك
زعلان منّك واعتذرلك واراضيك
وما فوق حقي اطلب العذر منّك
يقطع ظلوعي قد ما قول ما بيك
لا ضاق صدري صفّقن واطلبنك