حر شلع - خلف العبدالله

حر ٍ شلع من ماكر الطيب والجود
بعز وشرف روس المعالي سكنها

عنده القياده من مواريث وجدود
شيخٍ ٍمروات العشاير حضنها

بالمرجله ماهي شغل حظ وسعود
وظيفته بجدع النشا ما ضمنها

بكل المراكزماتعرض لمنقود
جامع من أخلاق العشاير حسنها

نواف ياشامخ كما وقفة الطود
أسلوب المراجل في يمينك رسنها

عندك من الطولات من ورث عبود
صفر الصياني دوم زايد سمنها

مايصغرك كلمة جبان ٍ وحاسود
اترك أقوال رجال زايد عفنها

من خلقة الدنياترى الحقد موجود
وأنت الصقر مايوم تسكن طمنها

طيبك علم فوق العقيدات معقود
وكل العشاير تدعي انك ابنها

هيبه ومهابه وباوسط البيت عامود
وربعه وقريشيات لي فاح بنها

نجم ٍتعلا (ع)المناعيربك زود
يرحم عجوز رضعتك لبنها

بك مرجله ماهي جديده من جدود
لعبو على حكم الفرنسي وسجنها

كفك ندي ودايم على الناس ممدود
تشهد بحقك ناس زايل غبنها

للوطن يعطي بطاقةٍمالهاحدود
ارخص بروحه للمعالي رهنها

ياسيدي نبراس والمر جله زود
حسن الخلق له مهنة ٍوامتهنها

بفضل الكريم وفضل شبل ٍلعبود
تزهي الجلاء وفايز ٍمن زبنها