عفوا ايها القاده - خلف العبدالله
صباح الخير ياعز الشموخ ودرة الاوطان
صباح الخير بيروت الصمود وكل ضواحيها
صباح الخير من شبعا الجريحه وكل شعب لبنان
من الهرمل من البترون من صيدا وشواطيها
الى حكامنا القاده ال..كانوا بالامس اخوان
كبيره لعبة السيد ومافهموا معانيها
اعتبروا بوش وامريكا ورايز من ضنا قحطان
بنظرهم عيب نكران الجميل بحق حاميها
معقوله؟ايها الساده تبرأتم من القرآن
اشلون قلوبكم معقول مرتاحه بمحانيها
ناموا في مخادعكم وانسوا ماجرى بلبنان
ريحوا افكار حضرتكم من الحرب وبلاويها
عيشوا في تناقضكم وغنوا باربعين لسان
ماتدرون عيب الرجال اتلون في مباديها
المصيبه ايهاالساده تعودنا على الخذلان
وماتت فيكم الهمه انتمنى الله يحييها
صدقوني اذا فيكم رجل يقوى على الشيطان
قبل لا ينطق الكلمه العدو يفهم مغازيها
عفوا ايها القاده عذرا لو كنت غلطان
المصيبه كل نسا لبنان ثكلى من يعزيها