عاشت بلادي - عبدالعزيز الروابة

هبت شمال وعبرتي ساقت الغيم
يم جنة الدنيا ربعي بلادي

يسوقني هالقلب سوق المجاهيم
للي مرابعها صباي ومرادي

يارب خفف لوعتي كثر ماهيم
وكثر الأسى ليا طاش وازهم سهادي

ماعدت انا حمل الفراق ولظى الضيم
يلهب بقفرا الروح ماهو بعادي

داري غلاها نبعه بمهجتي امقيم
ماحثربت غدرانها للصوادي

وإلا رعاع الناس عنهم هي اتشيم
ماعذربوها بزيف هرج الأعادي

تهطل على قاع الغلا وابل وديم
وينبت حنين وشوق باقصى فؤادي

يازين في ريضانها مرتع الريم
بين الورود وهبهبات البرادي

دايم دموعي اليا اذكروها مواليم
أروي سنابل عزها من ودادي

شوقي لها شوق الحماد للقا الغيم
وشوق العيون لشوف من كان غادي

أبطال حنا في ذراها شغاميم
لبيه لو نادى علينا المنادي

غض الطرف مافيه سينٍ و لاجيم
عاشت بلادي والف عاشت بلادي