نهضة
نهضة ما إلها تاني
بعمر الامة الانساني

فجرها سعاده بستعش
نوفمبر تشرين الثاني

فجرها سعاده بستعش
ثاني، أكتوبر تشرين

نسر محلق شهر احد عشر
ع احد عشر شهر الباقين

وفتّح عقل الما بينفعش
وفاق النايم صرلو سنين

وكل الناس الما بتنفعش
تشحل عن جسم الامة

وصارت أمة حرزاني

قلبنا الارض، بطول وعرض
استعرضنا عمر التاريخ

شفنا كل شعوب الارض
تحت، ونحنا بالمريخ

وقدمنا للامة عرض
مبدا ونهضة ما بتشيخ

سعاده مش عم يفرض فرض
راعي النهضة الخلاقة

يخلق طابع وجداني

الشعب ان صبّح واعي
وحامل اسمى مبادي

ما في عبد واقطاعي
في أحرار وسيادي

في محبة، وفكر راعي
بأخلاق وحزم قيادي

للفرقة ما في داعي
وحدة رؤيا، ووحدة شعب

وقوة بموقف رباني

النهضة محسوبة عالكل
بتعني الشعب، بتعني الناس

يعمل فيها وما بيكل
معروف، محمد، والياس

خليك معنا اوعا تفل
وجدانك صادق حساس

تعمق فيها، عليها دل
رجع مجد وحضارة

خير بلادك ملياني

سعاده النهضة اعطى وعد
سعاده النهضة القومية

الاجيال الما خلقت بعد
بتحمي الامة السورية

صوت سعاده برق ورعد
زوابع حمرا وثورية

ودم مقدم مجاني

المتعصب عنا تغيّر
وتربى ع المحبة

بجنبو في سبعة محيّر
واربعتش ومتروليوز

وثورة بدمو غلياني