جمر اللقا
اشعلي جمر اللقا وادفي برودي
جيت كلي خوف وكفي ترتعش

جيت اصافح هالمسا واثبت وعودي
ويوم شفتك طاب قلبي وانتعش

ياغيوم الشوق اسقيني وجودي
من شرب من ماك ماذاق العطش

ياصباح الشعر ثوري في ركودي
غيري طبع الولافه بالوحش

آتهجد في قيامي في سجودي
وكل ما تطرين للقلب ارتبش

اعذريني في التجاوز عن حدودي
قولي عقله بعض الأحيان انكمش

كلما ارسلت في وصلك جنودي
ما يجيبك جيش فكري لو غبش

ليتك ديانا وانا لك مثل دودي
واهني القلب بك كان ابتلش

ياربيع الأرض هاذي هي وفودي
هاجسي صوبك على فاله طرش

لا يجف الما ولا تذبل ورودي
واخذي المعنى بلا اية طفش