وحدة من الناس - حمد بن عبدالله بن حذيف النعيمي
من أي كوكب يا غلا كل الاحساس
جيتي تقودين الحيا والحشيمه
اكبر خطا ينقال وحده من الناس
ابصم عليه بخمس كفي ظليمه
لو شبهوا غيرك ذهب والا الماس
هذي سلع ممكن تجي بأي قيمه
وان قالوا ان البدر سامي وله ساس
وين البدر لطاف من فوق غيمه
والله ثم والله خذتي بلا اقياس
بين البشر يابنت انتي يتيمه
سبحان من زاد الحلا قد مياس
كذاب انا لوقلت عنك وسيمه
وش الوسامه فيك وش عذب الأنفاس
يامنعشه جوالمكان وعتيمه
مليت من عين ملا جفنها نعاس
كاس الشعر واسقيت نفس سقيمه
ومرت علي ايام وايام محتاس
هذا انتصار وفوز ولاهزيمه
رحتي وكن الشعر في خافقي داس
وقصيدتي بعدك غدت لي غنيمه
يا حلم ليل كسره حظي نحاس
ويا تعس منهو صار حظه خصيمه