رسالة
لا تقطعين الياس مني وانا حي
تكفيني الذكرى وشوف الرساله

وان مت ذاك اليوم من فقدي ابكي
كان القلوب البيض فيهن عداله

وحده من الثنتين ياذي ياذي
قلبك معي ولا مع الغير داله

ان كان قلبي تحت شمسك لقى فيّ
عليك قلبي مد وافي ظلاله

ما قلت هذا لك واللي بقى لي
قلبي حلالك يوم جيتي حلاله

جمر المشاعر كان بالأمس مطفي
حتى الشعر اصبحت خارج مجاله

وجيتي مثل من يبري العوق بالكي
حطيتي الميسم وقلبي ارتكاله

لو كنت في نارك من الهجر مصلي
لا بد جرح طاب يبرى خماله

ولا بد ماك العذب يركد ويصفي
وراعي الخوا مرّق وفوح دلاله

جمالك الفاتن معانيه تغري
شوفي جمل قلبي رمالك حباله

شدّي الحبل وان شد بيديك برخي
قلبي واعرفه زين صدك زواله

لدّي على غاليك يا بنت لدّي
من هاتفك تكفين دزّي رساله