يتوق شعري - حمد بن عبدالله بن حذيف النعيمي

يتوق شعري وقلبي صوب من حبه
من غيره اللي اذا ابطا يعذبني

احلى من الشهد واللي جابه وصّبه
عينه عذابي اذا قامت تطالعني

واذا ابتسم شفت ثغره ودي احبّه
لا شك اشيا كثيره منه تمنعني

ولا الشعر تحت شاله هبّته هبّه
واذا التفت لفتته يا قلب وش تعني

من حر ما بي ساعات اغتاض واسبّه
احس كنّه يبي بالعمد يقهرني

يرتاح من شوف نار الشوق مشتبه
كنه بجمر الهوى بيديه يحرقني

واذا سألته لقيته ما عطا سبه
يقول ودي اشوفك صدق تعشقني

يا لعن ابو هرجته ما خاف من ربه
ما شاف شوقي عليه اشلون يسبقني

ما يدري انه مرض قلبي وهو طبه
ما يدري انه بكثر الصد لوعني

ان كان قصده لعب يلعب وبلعب به
خلّه على لعبته حتاه يفقدني

هو يحسب انه صعب ما ينقدر ذبّه
هبيل عقله ان كانه صدق يجهلني

والله لأخليه يثني عندي اركبّه
ويقعد تحت ركبتي يمكن يكلمني

واعلمه درس بالنبره وبالتبه
ياما جنيت القهر واليوم هو يجني

وان مد كاس الوصل بعدين باكبّه
واقطع خطوط الهواتف لا يواصلني

ياهيه كاس الهوى من صدتي عبه
واشرب جفا من جفيت انكان هو يغني