تابوت القصيد
كفن قصيدي واحفظه وسط تابوت
كانه تعدى موتة اقصي واعدي

دون الثرى والعرض ياعز ذا الموت
واجب شرف ياروح والروح تقضي

والفارس اللي لأنتخى باجهش الصوت
هز المكان وسكن الشمس بالفي

اسمه على جدران بغداد منحوت
وفي كل منزل مجلسه باالذكر حي

ماتت مشاعر والبلا ضاعت اسموت
حتى صحيح الشوف مايبصر الضي

ماعاد تنفع كشخة اثياب وبشوت
وماعاد تبري اجروحنا حرقة الكي

بغداد راحت والقصايد غدن توت
حل الحرام وينوكل لحمنا ني

نيران يشعلها على البعد ريموت
وتفجير في كل المدن صار يدوي

ودور العباده اصبحت كنها بيوت
واللي يقول الحق جاني ومخطي

والراي كانه بين خاين وسربوت
ياصاحبي خويهم يصبح اخوي

ياحارث الضاري تكلمت بثبوت
صوّت وسمعنا وبنقول ياحي

صوت يلوت اعناق من ضدكم لوت
وتفرح له اجموع غدت ماهي اشوي

تكرم لحاكم من دنس كل عكروت
اصبر ونصر الله قريب على الحي

باكر يبين الصبح في عين هاروت
وسود الصحايف ينطوي كذبها طي