من آخر الدفتر - حمد بن عبدالله بن حذيف النعيمي
ياعيون القصيد
وبهجة العيد
انت يا نبض الوريد
اول الناس
لاتخلفك بعض الضنون
مالك بديل
ولا عديل
عشقك جنون
ايامنا اللي راحت يانورها
لاتنطفي
من حلوها مانكتفي
وذكرى سهرنا والقصيد
لاتحسبه احساس شاعر
او كلام ..
يمكن غرام
ولا هيام
ماهو جديد
اكيد انك تعرفه
واتحدى انك تصرفه
مادام حطيته رصيد
صوتك سمعته من بعيد
وجيتك على آخر رمق
وفيني من البارح ارق
نومي قليل
.
.
.
بدونك
.
.
.
وشلون انام
وانت عادي لو تنام
وبغيابي ادري بك تنام
وانا السعيد
وما هو غريب
مادمت انت اول حبيب
انا السعيد
ليله ...
واخليها قصيد