ريشة نعام - طلال حيدر

حلوة
متل طلوا العرب
رح يوصلوا ع الشام
وجّك قبيلة بيعدت
ما وصلا الأسلام
وجك متل حقلة قمح
نيال يللي نام
دقّوا مهابيج البكي
وهدول يا طير الحمام
بيناتنا
قوس القدح منصوب متل خيام
ومن فوق قوسك يا دني
عم توقع الأيـــام
بيناتنا
قولة غفي
والموت ريش نعام
سلّم ع موتك يا هلي
بيطلعلنا نودّي سلام
خلصْ اللي بيني وبينكن
عم شوف متل منام
جمال وبدو رح يرحلوا
وبحكي
وما بيطلع كلام