من لاشي صرتي كل شيء - محمد الشيخي
من لا شي ,, صرتي كل شي
في ميزان عقلي قبل عيني
عطيتك قدر واجد ما أشوي
ضيعتيه ,, لكن سامحينى
اليوم أنقول نا منك بري
وحد الله ما بينك وبيني
لاني بيّ لاني شبه بيّ
لاني مال يغري تربحيني
لكن فيّ عرق أحساس حيّ
مهما صار نخلص فيه دينى
بصوت الحق والعزم القوى
وبعز النفس وبنصرت ايميني
لا والله ما ناكل الني
وجمرك صار طافي فى عوينى
طال جفاك كثرتي عليّ !
فيك انود, وانتي تكرهينى !!