وقت الغروب - أشرف فايز
لون السما وقت الغروب
يشبه ملامحنا
اللون د لون حِنِة فرح
أو جرح دابحنا
علشان كده حِلو الرضا وقت القضا
نصرُخ يارب
قبل الغروب ساعدني اتوب ومن الذنوب
يارب سامحنا
شمس الغروب في الليل تدوب
وتدوب معاها حاجات كتير
نلقي الدفا فجأه إختفي
وجه مكانه الزمهرير
فرع الشجر نلقاه إنكسر
والطير هجر عِشه الكبير
وسط الرياح هاجت جراح
لما الجناح أصبح كسير
وكده الحياه ضحكه و آه
يومين فرح ويومين في مِحنه
علشان كِده حلو الرِضا وقت القضا
ونصرخ يارب
قبل الغروب ساعدني اتوب ومن الذنوب
يارب سامحنا
مابين شروق ومابين غروب
سكة سفر
ساعات الشمس تصفي لنا
وساعات مطر