ضميني في حضنك ياصبيه ..
ضميني في حضنك ياصبيه

وخديني

بعيد

بالضم

أيامي في لياليه

ومستني وحيد

وهناك أحلامي وأمانيا

ع الشط بعيد

وانا

قلبي في بُعدِك متكسر

باصص علي شطك متحسر

معقول هاقدر ؟

لألأ أنا

اخاف

وإزاي هااعبر

وبدون مجداف

والحلم الوردي

علي صخرة يأسي

إتكسر

وياليل الآه يامدوبنا

في ليالي هواك

سيبناك ..

مش راضي ليه تسيبنا

وآسرنا معاك

معقول

د قدرنا ود نصيبنا ؟

عتمه و أشواك

معقول ؟

ولااحنا بإرادتنا

بنروح وياك

أ ياخطوه يا تايهه ومش عارفه

ترسيلها لبر

ودليلنا احتار واحتار برضه

وياه الصبر

ولاعارفين سكه نمشيها

ولاشمعه في ليلنا نضويها

وبدمع عيوننا بنسقيها

وتسقينا المُر

أ يافجر مودع ومفارق

وسايبنا تايهين ف مفارق

ولا عُدتش تهتم بجرحنا

مش فارق وياك مش فارق ..