زي النخل - أشرف فايز
إعلوا زي النخل عالي
إعلوا فوق كل الآهات
وإقطفوا النجم المِلالي
ورجعوا الماضي اللي فات
ياحضاره قبل ماتكون الحضاره
ياتاريخ نهضه وشموخ
مهما زاد في القلب من طعم المراره
مهما زادت فيك شروخ
بُكره أحلا فرحه جايه
تملا دجله والفرات
رفرفوا فوق بجناحتكم
وإوصلوا لأبعد سما
مهما زادت يوم جراحكم
مهما كانت مؤلمه
بُكره بابل بالحضاره تهل تاني من جديد
بُكره كل الدنيا تعرف أصل بغداد الرشيد
والعراق يرجع عراق
وتعود حروفه الملهمه
ويعلا فوق كل الرايات
بُكره أحلا فرحه جايه
تملا دجله والفرات
مهما ليل الحزن زاد
بكره اكيد جاي النهار
بُكره اكيد جاي المعاد
والزينات تملا الديار
إوعوا لحظة يأس تِسري في قلوبكم يانشامي
إوعوا لحظه تنسوا يوم ماكنتوا للتاريخ علامه
إوعوا تنسوا يوم ماكنتوا
المناره والمنار
والتتار بقوا ذكريات
بُكره أحلي فرحه جايه
تملا دجله والفرات