اتكلمي - إبراهيم ابو زيد
اتكلمى .... اتكلمى
ياللى فهوايا بتظلمى
انا ليه بنيتيك كون جميل
وانت فـ ضلوعى بتهدمى
لو كان غرامك ملحمه
والقلب وخداه سلمه
انا قلبى نخله فـ السما
والنخل عمره ماينحنى
***
كان قلبى ليكى فى الدنيا بسمة
يادموع حزينه فـ قلب ليل
ايامها كنتى ارق نسمه
ضمتها جوه جناح جميل
واما عشقتك ملهمه
بتبيعى فيّه وتطعنى
انا قلبى نخله فـ السما
والنخل عمره ماينحنى
***
اوعى جمالك.. يخدعك
ويلبسك تاج الغرور
ان كان غرامى طمعك
جوايا ح ابنى الف سور
وان كان جمالك يوم رمى
السهم ممكن ينتنى
مانا قلبى نخله فـ السما
والنخل عمره ماينحنى