شجر الشوق - إبراهيم ابو زيد
ياللى فايتنى لوحدى افكر
مش من عادتك يوم تتأخر
فاضيه الدنيا من حواليا
طعم ايامها فى قلبى اتغير
***
ياللى عوازلك مش سايبينى
انت ناسينى والا فاكرنى
عايشة غريبه فى دنيا غريبة
ليه الهجر بياخدك منى
دمع الشوق بيقول لعنيّه
انا مش قادر اصبر اكتر
فاضيه الدنيا من حواليا
طعم ايامها فى قلبى اتغير
***
تسوى حياتى ايه من غيرك
شوف كام ليلة فايتني بنورك
هى ورودى يكون لها معنى
الا ان جيتنى بفرح عبيرك
امتى تهل ياروحى عليّه
شجر الشوق فى القلب بيكبر
فاضيه الدنيا من حواليا
طعم ايامها فى قلبى اتغير