كداب
من اول مره قابلتك
وانا عارفه انك كداب

بتقولى يوميها بحبك
والقلب فى عشقك داب

لا دا انت بتحكى حكاية
كدابه في صوت كداب

***

من قبل ماترمى سلامك
بيكدب بعضه كلامك

ازاى قبل ماتعرفنى
فى عينية بنيت احلامك

كداب والكدب غواية
وبتلعب بالاعصاب

ماهو انت بتحكى حكاية
كدابه في صوت كداب

***

معقوله كده على طول
من أول يوم بتقول

انك مجنون فى هوايا
وتخاف من الف عزول

ماكفاية غناوى كفاية
وشكاوى فى هوى غلاب

ماانا عارفه بتحكى حكاية
كدابه في صوت كداب