سحر الحب - إبراهيم ابو زيد
زى النغمة فـ قلب الناى
لحن هوانا رايح جاى
يزرع قلبى ورود وزهور
يرمى فـ حضنك عتر ونور
شايفه الحب ازاى ياحبيبتى
بينى وبينك رايح جاى
***
انا شايفك فـ القلب حورية
بتصبح وتمسى عليه
وانا شايف فـ عيونك نفسى
جن وعاشق شط وميه
ادلع وافارق حضنك
يتمايل موجك على خدك
القى الشوق على طول رجعنى
متكتف بحنينى وعشقك
ف ربيعك اقلع احزانى
وف صيفك ع الشط مكانى
وشتاكى ارجع من تانى
اتعلق بضفاير شمسك