كنت معايا
بسمة وهمسة فـ اول مره
صبحت دمعة حزينة ومره

كانت قصة حب غريبه
مابقاش منها غير الذكرى

***

اول مرة كنت معايا
كان جواكى شئ جوايا

شئ بيحرك حاجة مابينا
بدر هواكى وشمس هوايا

شفت فى عينك اجمل رحلة
شفت النور والطير والخضرة

عصفور طار وارتاح على قلبى
جانى يغنى غناوى لبكره

***

آخر مرة قابلتك فيها
شفتك نجمة بره مدارها

كانت نجمة حزينة وخايفه
شئ جواها بيخنق نورها

شفت سواد الليل بيخبى
ايد الغدر بتقطف زهره

كانت قصة حب غريبه
مابقاش منها غير الذكرى