غصبن عني
غصبن عنى ... غصبن عنى
لما بقولك ابعدى عنى

خفت عليكى ... من موج حبى
خفت عليكى .. تغرقى منى

***

خايف سهم الحب يصيبك
يدخل قلبك مش حايسيبك

يزرع ليلك حزن وحيره
كف الامه تزيد تعذيبك

وانت الحاجه الحلوة فى عمرى
خايف ابقى الجرح فـ ليلك

غصبن عنى بحذر قلبك
قبل ماقولك قربى منى

خفت بحور الحب تشدك
خفت عليكى .. تغرقى منى

غصبن عنى

شايف قلبك راجع تانى
نجمة تنور ليل احزانى

شايفك غنوة جميلة وجايه
تعزف ترقص على الحانى

خايف اضعف قدام حبك
خايف ابقى فـ حبى انانى

يام القلب الطاهر جدا
ياللى فـ قلبي العين والننى

انا ماقدرش اكون لك ابدا
جرح لطير لساه بيغنى

غصبن عنى