طير وروح - إبراهيم ابو زيد
طير ياطير وسط الرياح
م المسا لما الصباح
اغزل الاحزان شموع
واوعى ترجع للدموع
كل خطوة فـ الرجوع
فيها ذكرى للجراح
***
روح بعيد وبلاش معانده
النجوم فـ سمانا شاهده
لما كانت جوه قلبى
ابتدت هى المنهده
قصدها تملكنى دايما
وتحاصرنى جوه وردة
طير وعافر بالجناح
لسه فيه للكون براح
ليه بتستنى الصباح
شمسها راح تيجى بارده
***
طير ياطير وسط الليالى
مانت عارف ايه جرالى
اوعى ترجع للطريق
مهما تلمح شئ خيالى
لسه فـ عيونى وملامحك
جرح صاحى هو جرحك
مهما حاولت يوم تصالحك
اوعى ترجع للنواح
كل خطوة فـ الرجوع
فيها ذكرى للجراح