كل ماقرب منك خطوة
كل ماقرب منك خطوة
تبعد عنى ياروحى خطاوى

ليه الحب عبيره بيجرح
بعد ماكان بالورد يداوى

***

كل ماقولك انى بحبك
يقفل عِندك ابواب قلبك

ارجع تانى بوردى وفُلى
علشان ترضى بقلبى فـ قربك

تجرح كل ورودى بقسوة
وتقول ايه الورد يساوى

ليه الحب عبيره بيجرح
بعد ماكان بالورد يداوى

***

كل ماقرب من احلامك
تجرى وتهرب بين اوهامك

تفتح الف كتاب للشكوى
تكتب فيها مر الآمك

ادخل جوه فى جرحك وافتح
كتب الحزن الاقها غناوى

ليه الحب عبيره بيجرح
بعد ماكان بالورد يداوى