مركب - إبراهيم ابو زيد
انا سيبت فى بحرك مركب
مستنى شراعه يجيبك
وان كان كانت الميه غريقه
راح انزل برضو واجيبك
حتحدى الموج العالى
وصراع الموج يحلالى
ومادام الحلم قبالى
ابدا مش ممكن اسيبك
***
انا ليه فى ليلك نجمة
حتنور ساعة الضلمة
وفى ساعة البرد دفاها
ح يضمك مليون ضمة
راح تبعد خوفك عنك
وحتزرع مليون بسمة
وتزورك حتى فحلمك
نسماية بتحضن نسمه
***
انا ليه فقلبك نبضه
سهرانه ومش بتنام
حرساكى من جواكى
وتصونك م الاوهام
ح تنام على شط جفونك
ان كانت يوم ح تنام
حتجيلك يوم حتجيلك
وتجيبك م الاحلام