بستناها
انا شهدت عليها زمانى
لما لقيتها فـ يوم نسيانى

شوف كام ساعه بنستناها
بعد ماكانت تستنانى

***

ياما قالتلى لما تغيب
قلبى بيبقى لوحده غريب

شوق الدنيا يكون جوايا
لما دقيقة يا روحى تغيب

فاكره يانجمة كلامها معايا
والا دى كانت بس بداية

مين اخرها ..ايه نساها
قوللى يادنيا ..وقول يازمانى

شوف كام ساعه بنستناها
بعد ماكانت تستنانى

***

لما اشوفها اكيد حنخبى
دمعة فى عينى وشئ جوايا

مانا لو ح اشرح شوقى وحبى
بكره حتتحكم فـ هوايا

لا دانا ح اعمل مش على بالى
مش ح اوصف بالشوق احوالى

وامسح دمعة فـ عينى واهه
واسرح فيها – لكن فـ خيالى

شوف كام ساعه بنستناها
بعد ماكانت تستنانى