تهتي خلاص - إبراهيم ابو زيد

مش بتكلم ع الاحساس
ولابتكلم ع الاخلاص

انا بتكلم عنى وعنك
عارف انك تهتى خلاص

***

مطر الدمع فى عينى يدور
خبى الشمس وكسر النور

انا مش شايف خطوة هجرك
يمكن قلبك عدى بحور

انا متأكد انى وانك
تهنا وضعنا بين الناس

انا بتكلم عنى وعنك
عارف انك تهتى خلاص

***

عاوز اعرف مين خلاكى
تمحى وجودى من جواكى

سهم القسوة طلع من قلبك
علشان يقتل قلبى الباكى

اخر حاجه شفتها منك
نظرة عين من غير احساس

انا بتكلم عنى وعنك
عارف انك تهتى خلاص